A- A A+
Қазақстан Республикасы Мемлекеттік қызмет істері агенттігінің Солтүстік Қазақстан облысы бойынша департаменті

150000, Петропавл қ., Қазақстан Конституциясы көшесі, 38, тел./факс 8 (7152) 46-58-49, е-mail: dadgs.sko@kyzmet.gov.kz

Департаменттің веб-мекенжайы: sko.kyzmet.gov.kz

Департаменттің сенім телефоны: 46-58-89

Басшылығы

Департамент басшысы

Елена Федоровна СтепаненкоЕлена Федоровна Степаненко

1972 жылы Солтүстiк Қазақстан облысында туған, 2003 жылы Көкшетау университетiн «заң» мамандығы бойынша бiтiрген.

Еңбек жолын 1990 жылы Солтүстiк Қазақстан облысы Ленин аудандық әлеуметтiк қамтамасыз ету бөлiмiнiң инспекторы болып бастады.

Жергiлiктi атқарушы органдарда үлкен тәжiрибесi бар.

Мемлекеттiк қызмет органдарында 2012 жылдан бастап қызмет атқарады. 2016 жылдан бастап Агенттiктiң Солтүстiк Қазақстан облысы бойынша департаментi басшысының орынбасары қызметiн атқарған. Мемлекеттiк қызмет, сыбайлас жемқорлықтың алдын алу салаларына жетекшiлiк еткен.

МҚIСЖҚА Солтүстiк Қазақстан облысы бойынша департаментi басшысы лауазымына тағайындалмас бұрын облыстық деңгейдегi барлық қажеттi мансаптық сатыларды өткен. Атап айтқанда, аталған департаментте бөлiм басшысы, басқарма басшысы, одан кейiн басшы орынбасары лауазымдарын атқарған.

Алғыстары мен мадақтаулары бар:

«Қазақстан Конституциясына 20 жыл» мерекелiк медалi, Солтүстiк Қазақстан облысы әкiмiнiң құрмет грамотасы, Қазақстан Республикасы Мемлекеттiк қызмет iстерi және сыбайлас жемқорлыққа қарсы iс-қимыл агенттiгi төрағасының грамотасы, Қазақстан Республикасы Президентiнiң «Тәуелсiздiгiне 25 жыл» медалi.

Департамент басшысының орынбасары — Әдеп жөніндегі Кеңесі хатшылығының меңгерушісі, Департаменттің Әдеп жөніндегі уәкілі

Жанат Жеңiсұлы Жұмабаев Жұмабаев Жанат Жеңiсұлы

Жанат Жеңiсұлы Жұмабаев 1979 ж.т., қазақ, Солтүстiк Қазақстан облысы Булаев ауданының тумасы.

Үш жоғарғы бiлiмi бар: заңгерлiк, педагогикалық, мемлекеттiк менеджмент мамандықтары бойынша.

2000 жылы Абай атындағы Алматы мемлекеттiк университетiн аяқтап, «физика және информатика» мамандығы бойынша бiлiктiлiгiн алды;

2003 жылы Солтүстiк Қазақстан заң академиясын «құқықтану» мамандығы бойынша аяқтады.

017 жылдың маусымы Қазақстан Республикасы Президентiнiң жанындағы Мемлекеттiк басқару академиясының Мемлекеттiк саясаттың ұлттық мектебiн «мемлекеттiк менеджмент» мамандығы бойынша магистратурасын аяқтады.

Еңбек жолын 2000 жылдың қыркүйегi Солтүстiк Қазақстан облысы Есiл ауданы Александровка жоғарғы мектебiн физика және информатика мұғалiмi болып бастады.

2002 жылдың тамызынан Ақмола облысы денсаулық департаментiнде жетекшi маман, Көкшетау қ.

2005 жылдың ақпаны айында Ақмола облысы денсаулық департаментiнiң бас маманы болып ауыстырылды, Көкшетау қ.

2005 жылдың мамыры Қазақстан Республикасы Денсаулық министрлiгi Медицина сапасын бақылау жөнiндегi комитетiнiң Солтүстiк Қазақстан басқармасы, ұйымдық-әкiмшiлiк жұмысы бөлiмi бастығы болып тағайындалды, Петропавл қ.

2007 жылдың қазаны Солтүстiк Қазақстан облысы әкiмiнiң өкiмiмен облыс әкiмiнiң бас инспекторы болып тағайындалды.

2009 жылдың ақпаны Солтүстiк-Қазақстан облысы әкiмiнiң аппараты әлеуметтiк-мәдени саласы бөлiмiнiң меңгерушiсi болып тағайындалды. Бөлiмнiң жұмысын үйлестiрдi, әлеуметтiк-мәдени мәселелерiне жетекшiлiк еттi (денсаулық, бiлiм, мәдениет, спорт, iшкi саясат, тiлдердi дамыту).

2010 жылдың мамыры Қазақстан Республикасы Мемлекеттiк қызмет iстерi агенттiгiнiң Солтүстiк Қазақстан облысы бойынша басқармасы, мемлекеттiк қызмет және сыбайлас жемқорлыққа қарсы күрес туралы заңнаманың сақталуын бақылау бөлiмiнiң бастығы лауазымына тағайындалды, Петропавл қ.

2011 жылдың 1 желтоқсаны Мемлекеттiк қызмет iстерi агенттiгi төрағасының бұйрығымен Солтүстiк Қазақстан облысындағы Тәртiптiк кеңес хатшылығының меңгерушiсi болып тағайындалды.

2012 жылдың 15 қазаны Мемлекеттiк қызмет iстерi агенттiгi төрағасының бұйрығымен ҚР Мемлекеттiк қызмет iстерi агенттiгiнiң СҚО бойынша басқармасы бастығының орынбасары — Тәртiптiк кеңес хатшылығының меңгерушiсi лауазымына тағайындалды.

2013 жылдың мамырынан 2014 жылдың қарашасы аралығында Қазақстан Республикасы Мемлекеттiк қызмет iстерi агенттiгiнiң Солтүстiк Қазақстан облысы бойынша департаментi Тәртiптiк кеңес хатшылығының меңгерушiсi — департамент басшысының орынбасары лауазымын атқарды.

2014 жылдың 26 қарашасы Қазақстан Республикасы Мемлекеттiк қызмет iстерi және сыбайлас жемқорлыққа қарсы iс-қимыл агенттiгiнiң Солтүстiк Қазақстан облысы бойынша департаментi Тәртiптiк кеңес хатшылығының меңгерушiсi болып тағайындалды.

Қазiргi уақытта Қазақстан Республикасы Мемлекеттiк қызмет iстерi агенттiгiнiң Солтүстiк Қазақстан облысы бойынша департаментi басшысының орынбасары — Әдеп жөнiндегi кеңес хатшылығының меңгерушiсi лауазымын атқарып келедi.

Алғыстары мен мадақтаулары бар:

2006 жыл — Қазақстан Республикасы Денсаулық министрiнiң Құрмет грамотасы;

2011 жыл — Қазақстан Республикасы СҚО әкiмiнiң «Қазақстан тәуелсiздiгiне 20 жыл» Құрмет грамотасы;

2014 жыл — Қазақстан Республикасы Мемлекеттiк қызмет iстерi Агенттiгi төрағасының Алғыс хаты;

2015 жыл — Қазақстан Республикасы мемлекеттiк қызмет iстерi және сыбайлас жемқорлыққа қарсы iс-қимыл агенттiгi төрағасының III дәрежелi — «Мiнсiз қызметi үшiн» медалi;

2016 жыл — Қазақстан Республикасы мемлекеттiк қызмет iстерi министрiнiң грамотасы.

Үйленген, қыз және ұл тәрбиелеп отыр.

Әдеп жөнiндегi уәкiлдiң мемлекеттiк қызметшiлердi және азаматтарды қабылдау кестесi

Қабылдау күндері Қабылдау уақыты Лауазымды тұлға
сәрсенбі 17.00-18.00 сағ. Жұмабаев Жанат Жеңісұлы — басшының орынбасары

Мекенжайы: Петропавл қ., Қазақстан Конституциясы көшесі, 38

Телефоны: 46-64-05

Мемлекеттік қызмет істері Агенттігінің Солтүстік Қазақстан облысы бойынша департаментінде 2019 жылдың IV тоқсанына арналған азаматтарды және заңды тұлғалардың өкілдерін қабылдау кестесі

ТАӘ Лауазымы Қабылдау күні мен уақыты Мекенжайы
Степаненко Елена Федоровна Департамент басшысы — Әдеп жөніндегі кеңестің төрағасы Бейсенбі
15.00-17.00 сағ.
Петропавл қ.
Қазақстан Конституциясы к., 38,
1 қабат, каб. 2
Жұмабаев Жанат Жеңісұлы Департамент басшысының орынбасары — Әдеп жөніндегі кеңес хатшылығының меңгерушісі Жұма
15.00-17.00 сағ.
Петропавл қ.
Қазақстан Конституциясы к., 38,
1 қабат, каб. 3

Анықтама телефоны: 36-10-81

Байланыс телефондары

150000, Петропавл қаласы, Қазақстан конституциясы көшесі, 38

Кеңсе тел.: +7 (7152) 46-58-49, факс: 46-58-49, е-mail: dadgs.sko@kyzmet.gov.kz

Жұмыс кестесі: 9:00-ден 13:00-ге дейін, 14:30-дан 19:30-ға дейін

Қазақстан Республикасы Мемлекеттік қызмет істері агенттігінің Солтүстік Қазақстан облысы бойынша департаменті
Департамент басшысы — Әдеп жөніндегі кеңестің төрағасы Степаненко Елена Федоровна  
Қабылдау бөлмесі Зейкенова Назира Айдарқызы 36-10-81
Департамент басшысының орынбасары — Әдеп жөніндегі кеңес хатшылығының меңгерушісі Жұмабаев Жанат Жеңісұлы 46-64-05
Мемлекеттік қызмет басқармасы
Басшы Бахриразиев Рамиль Хамитович 46-58-08
Мемлекеттік қызмет саласындағы бақылау басқармасы
Басшының м.а. Жұмағулов Руслан Мергенұлы 46-58-89
Мемлекеттік қызметтер басқармасы
Басшы Еңсегенов Болат Қазбекұлы 36-01-62
Әкімшілік басқармасы
Басшы Тайгулина Сауле Каримовна 46-58-49

Қазақстан Республикасы Мемлекеттік қызмет істері және сыбайлас жемқорлыққа қарсы іс-қимыл Агенттігінің Солтүстік Қазақстан облысы бойынша Департаментінің 2018 жылдың қорытындысы бойынша қызметінің нәтижелері туралы ақпарат (ZIP 26 Kb)

Қазақстан Республикасының
Мемлекеттiк қызмет iстерi
агенттiгi төрағасының
2019 жылғы «__» _________
№___ бұйрығына
13-қосымша

Қазақстан Республикасының Мемлекеттiк қызмет iстерi агенттiгiнiң Солтүстiк Қазақстан облысы бойынша департаментi туралы
ЕРЕЖЕ

1-тарау. Жалпы ережелер

1. Қазақстан Республикасының Мемлекеттiк қызмет iстерi агенттiгiнiң Солтүстiк Қазақстан облысы бойынша департаментi (бұдан әрi — Департамент) белгiленген құзыреттiлiк шегiнде мемлекеттiк қызмет, мемлекеттiк қызметтер көрсету сапасын бағалау және мемлекеттiк бақылау реттеушiлiк, iске асыру және бақылау функцияларын жүзеге асыратын Қазақстан Республикасының Мемлекеттiк қызмет iстерi агенттiгiнiң (бұдан әрi — Агенттiк) аумақтық органы болып табылады.

2. Департамент өз қызметiн Қазақстан Республикасының Конституциясына және заңдарына, Президентi мен Үкiметiнiң актiлерiне, Қазақстан Республикасының өзге де нормативтiк құқықтық актiлерiне, cондай-ақ осы Ережеге сәйкес жүзеге асырады.

3. Департамент мемлекеттiк мекеменiң ұйымдық-құқықтық нысанындағы заңды тұлға болып табылады, мемлекеттiк тiлде атауы бар мөрi мен мөртаңбалары, белгiленген үлгiдегi бланкiлерi, сондай-ақ Қазақстан Республикасының заңнамасына сәйкес қазынашылық органдарында шоттары болады.

4. Департамент азаматтық-құқықтық қатынастарға өз атынан түседi.

5. Қазақстан Республикасының заңнамасына сәйкес уәкiлеттiк берiлген болса, Департамент мемлекеттiң атынан азаматтық-құқықтық қатынастардың тарапы болуға құқығы бар.

6. Департамент өз құзыретiнiң мәселелерi бойынша заңнамада белгiленген тәртiппен Департамент басшысының бұйрықтарымен ресiмделетiн шешiмдердi қабылдайды.

7. Департаменттiң құрылымы мен штат санының лимитi қолданыстағы Қазақстан Республикасының заңнамасына сәйкес бекiтiледi.

8. Департаменттiң заңды мекенжайы: 150008, Солтүстiк Қазақстан облысы, Петропавл қаласы, Қазақстан Конституциясы көшесi, 38.

9. Департаменттiң толық атауы — «Қазақстан Республикасының Мемлекеттiк қызмет iстерi агенттiгiнiң Солтүстiк Қазақстан облысы бойынша департаментi» республикалық мемлекеттiк мекемесi.

10. Осы ЕрежеДепартаменттiң құрылтай құжаты болып табылады.

11. Департаменттiң қызметiн қаржыландыру республикалық бюджеттен жүзеге асырылады.

12. Департаменттiң функциялары болып табылатын мiндеттердi орындау тұрғысында Департаментке кәсiпкерлiк субъектiлерiмен шарттық қатынастарға түсуге тыйым салынады.

Егер Департаментке заңнамалық актiлермен кiрiстер әкелетiн қызметтi жүзеге асыру құқығы берiлсе, онда осындай қызметтен алынған кiрiстер республикалық бюджеттiң кiрiсiне жiберiледi.

2-тарау. Департаменттiң негiзгi мiндеттерi, функциялары, құқықтары мен мiндеттерi

13. Мiндеттерi:

1) тиiстi әкiмшiлiк-аумақтық бiрлiк шегiнде мемлекеттiк қызмет, электрондық нысанда көрсетiлетiн мемлекеттiк қызметтердi қоспағанда, мемлекеттiк қызметтердi көрсету сапасын бағалау және мемлекеттiк қызметтердi көрсету сапасына мемлекеттiк бақылау салаларында мемлекеттiк саясатты iске асыру;

2) мемлекеттiк қызмет туралы және мемлекеттiк көрсетiлетiн қызметтер туралы заңнаманы сақтау мәселелерiн ұйымдастыруда орталық мемлекеттiк органдарының аумақтық бөлiмшелерiнiң және олардың ведомстволарының, жергiлiктi бюджеттерден қаржыландырылатын атқарушы органдардың (бұдан әрi — мемлекеттiк органдар) қызметiн үйлестiру;

14. Департаменттiң функциялары:

1) мемлекеттiк қызмет саласында стратегиялар мен бағдарламаларды iске асыруға қатысу;

2) өз құзыретi шегiнде мемлекеттiк қызметтердi көрсету саласында мемлекеттiк саясатты iске асыруға қатысу;

3) мемлекеттiк қызмет, мемлекеттiк қызметтердi көрсету сапасын бағалау және мемлекеттiк қызметтердi көрсетудiң сапасын бақылау салаларында нормативтiк құқықтық актiлердi жетiлдiру жөнiндегi ұсыныстарды әзiрлеу;

4) Департамент құзыретiне кiретiн мәселелер бойынша мемлекеттiк қызметшiлерге және азаматтарға консультация беру;

5) мемлекеттiк органдарда персоналды басқару бойынша мемлекеттiк органдар қызметiнiң тиiмдiлiгiн және электрондық түрде көрсетiлетiн мемлекеттiк қызметтердi қоспағанда, мемлекеттiк қызметтер көрсету сапасын бағалауды жүзеге асыру;

6) Қазақстан Республикасының заңнамасында белгiленген тәртiпте ғылыми-зерттеу, оқу, баспа қызметтерiн үйлестiруге қатысу;

7) мемлекеттiк қызмет, мемлекеттiк қызметтер көрсету салаларында басқа мемлекеттiк органдармен өзара iс-қимыл жасау;

8) мемлекеттiк қызметшiлерге еңбекақы төлеу, олардың

әлеуметтiк-құқықтық қорғалуы жүйесiн жетiлдiру бойынша ұсыныстар әзiрлеу;

9) мемлекеттiк қызмет персоналы жөнiндегi автоматтандырылған бiрыңғай дерекқорды (ақпараттық жүйенi) қалыптастыру бойынша жалпы үйлестiрудi қоса алғанда, мемлекеттiк саяси және әкiмшiлiк қызметшiлерiнiң кадр құрамы жай-күйiнiң, сондай-ақ мемлекеттiк қызметтiң мемлекеттiк саяси және әкiмшiлiк лауазымдарының мониторингiн жүргiзу;

10) мемлекеттiк әкiмшiлiк қызметшiлердi даярлау, қайта даярлау және бiлiктiлiгiн арттыру жөнiндегi, оның iшiнде шетелдерде мемлекеттiк органдардың қызметiн үйлестiру;

11) мемлекеттiк әкiмшiлiк қызметшiлердi даярлау, қайта даярлау және олардың бiлiктiлiгiн арттыру бойынша мемлекеттiк тапсырысты қалыптастыруды және орналастыруды үйлестiру;

12) мемлекеттiк тапсырыс негiзiнде мемлекеттiк қызметшiлердi даярлау, қайта даярлау және олардың бiлiктiлiгiн арттыру бағдарламалары бойынша оқуды аяқтаған адамдардың мемлекеттiк қызмет өткеруiне мониторингтi жүзеге асыру;

13) Қазақстан Республикасының заңнамасына сәйкес мемлекеттiк әкiмшiлiк қызметшiлердi, мемлекеттiк әкiмшiлiк лауазымдарға орналасуға кандидаттарды және құқық қорғау қызметiне кiретiн азаматтарды тестiлеудi ұйымдастыру;

14) «Б» корпусының төменгi болып табылмайтын өзге де бос және (немесе) уақытша бос мемлекеттiк әкiмшiлiк лауазымына орналасу үшiн жалпы конкурсты мемлекеттiк органда өткiзудi келiсу;

15) азаматтардың жеке қасиеттерiне бағалауды оның тиiстi қорытындысының нәтижесiн бере отырып жүргiзу;

16) «А» корпусы мемлекеттiк әкiмшiлiк қызметiнiң кадр резервiн қалыптастыруға қатысу;

17) мемлекеттiк органдар әзiрлейтiн «Б» корпусының мемлекеттiк әкiмшiлiк лауазымдарына қойылатын бiлiктiлiк талаптарын, кандидаттың қойылатын бiлiктiлiк талаптарына сәйкестiгi бөлiгiнде «Б» корпусының мемлекеттiк әкiмшiлiк лауазымдарына тағайындауларды, сынақ мерзiмiнен өтпеген мемлекеттiк әкiмшiлiк қызметшiлердi қызметiнен босатуды келiсу;

18) мемлекеттiк органдардың мемлекеттiк әкiмшiлiк қызметшiлердiң тағылымдамадан өтуiн ұйымдастыру жөнiндегi қызметiн үйлестiру;

19) мемлекеттiк органдардың немесе лауазымды адамдардың Қазақстан Республикасының мемлекеттiк қызмет саласындағы заңнаманы бұзу, сондай-ақ қызметтiк әдептi сақтау мәселелерi бойынша әрекеттерi (әрекетсiздiгi) мен шешiмдерiне жеке және заңды тұлғалардың шағымдарын қарау;

20) мемлекеттiк органдармен мемлекеттiк қызмет саласындағы Қазақстан Республикасы заңнамасының, сондай-ақ мемлекеттiк қызметшiлердiң қызметтiк әдебiнiң сақталуына мемлекеттiк бақылауды жүзеге асыру;

21) мемлекеттiк қызметшiлерге қатысты тәртiптiк iстердi Қазақстан Республикасының заңнамасына сәйкес қарау;

22) Агенттiктiң Солтүстiк Қазақстан облысындағы Әдеп жөнiндегi кеңестiң қызметiн қамтамасыз ету, Әдеп жөнiндегi кеңеспен қаралатын қызметтiк тергеу жүргiзу және тәртiптiк iстер бойынша материалдарды дайындау;

23) мемлекеттiк әкiмшiлiк қызметшiлердiң тәртiптiк iстерiн қарау жөнiндегi мемлекеттiк органдардың тәртiптiк комиссияларының жұмысын үйлестiру;

24) әдеп жөнiндегi уәкiлдiң қызметiн үйлестiру және әдiстемелiк қамтамасыз ету;

25) персоналды басқару қызметтерiнiң (кадр қызметтерiнiң) қызметiн үйлестiру және әдiснамалық басшылықты жүзеге асыру;

26) лауазымды адамдар мен мемлекеттiк органдарға олардың мемлекеттiк қызмет саласындағы заңнаманы және Қазақстан Республикасының өзге де нормативтiк құқықтық актiлерiн бұза отырып қабылдаған шешiмдерiнiң күшiн жою туралы ұсыныстар енгiзу;

27) мемлекеттiк органдарға өз құзыретi шегiнде, мемлекеттiк қызмет мәселелерi бойынша тексеру нәтижелерiнде анықталған бұзушылықтарды жою туралы қаралуға мiндеттi ұсынулар енгiзу;

28) жыл сайынғы Қазақстан Республикасындағы мемлекеттiк қызметтiң жағдайы туралы ұлттық баяндаманы қалыптастыру және оны Қазақстан Республикасының заңнамасында белгiленген тәртiппен енгiзу;

29) Қазақстан Республикасының Әкiмшiлiк құқық бұзушылық туралы кодексiнде белгiленген тәртiппен әкiмшiлiк құқық бұзушылықтар туралы хаттамалар толтыру және iстердi қарау;

30) мемлекеттiк органдардан мемлекеттiк қызмет көрсету сапасын iшкi бақылау нәтижелерi туралы ақпаратты сұрату;

31) мемлекеттiк қызметтер көрсету сапасына мемлекеттiк бақылауды жүзеге асыру;

32) мемлекеттiк қызмет көрсету сапасын арттыру жөнiнде ұсыныстар әзiрлеу;

33) мемлекеттiк қызмет көрсету мәселелерi бойынша жеке және заңды тұлғалардың шағымдарын қарау;

34) жеке тұлғалар мен коммерциялық емес ұйымдарға мемлекеттiк қызметтер көрсетудiң сапасына қоғамдық мониторинг жүргiзу бойынша ақпараттық, кеңестiк, әдiстемелiк қолдау көрсету;

35) Қазақстан Республикасының заңнамасында жүктелген өзге де функцияларды жүзеге асыру.

15. Департаменттiң құқықтары мен мiндеттерi:

1) Қазақстан Республикасының заңнамасында белгiленген тәртiпте мемлекеттiк органдардан, ұйымдардан, лауазымды адамдардан қажеттi ақпарат пен материалдарды сұрату және алу;

2) мемлекеттiк қызмет, мемлекеттiк қызмет көрсету сапасына жасалатын мемлекеттiк бақылау мәселелерi бойынша тексерiстер өткiзу, мемлекеттiк органдармен келiсiм бойынша тексерiстер өткiзуге олардың қызметкерлерiн тарту;

3) мемлекеттiк органдарға Қазақстан Республикасының заңнамасына сәйкес мемлекеттiк қызмет мәселелерi бойынша тексеру нәтижелерiнде анықталған бұзушылықтарды жою туралы өз құзыретi шегiнде қаралуы мiндеттi ұсынулар енгiзу;

4) мемлекеттiк қызмет туралы, мемлекеттiк көрсетiлетiн қызметтер туралы Қазақстан Республикасының заңнамаларын бұзушылықтар анықталған жағдайда, Қазақстан Республикасының заңнамасымен белгiленген тәртiпте шаралар қабылдау;

5) Департаментке жүктелген мiндеттердi шешудi қамтамасыз ететiн ақпарат жүйелерiмен пайдалану;

6) басқа мемлекеттiк органдармен, ұйымдармен Департамент қызметiнiң негiзгi бағыты бойынша өзара iс-қимыл жасау;

7) Қазақстан Республикасының заңнамасында көзделген өзге де өкiлеттiктердi жүзеге асыру.

3-тарау. Департаменттiң қызметiн ұйымдастыру

16. Департаменттi Департаментке жүктелген мiндеттердiң орындалуына және функцияларын жүзеге асыруына дербес жауапты болатын басшы басқарады.

17. Департамент басшысын Агенттiк төрағасының келiсiмi бойынша Агенттiктiң аппарат басшысы қызметке тағайындайды және қызметтен босатады.

18. Департамент басшысының Агенттiк төрағасының келiсiмi бойынша Агенттiктiң аппарат басшысы қызметке тағайындайтын және қызметтен босататын орынбасары (лары) болады.

19. Департамент басшысының өкiлеттiгi:

1) Департаменттiң жұмысын ұйымдастырады және оған басшылық жасайды;

2) өзiнiң орынбасарларының және Департаменттiң басқа да жұмыскерлерiнiң өкiлеттiктерiн айқындайды;

3) өз өкiлеттiктерi шегiнде Департаменттiң жұмыскерлерiнiң (қызметкерлерiнiң) орындауы үшiн мiндеттi бұйрықтар шығарады және нұсқаулар бередi;

4) Қазақстан Республикасының заңнамасында белгiленген тәртiппен Департаменттiң жұмыскерлерiн қызметке тағайындайды және қызметтен босатады;

5) Қазақстан Республикасының заңнамасында бекiтiлген тәртiпте Департаменттiң жұмыскерлерiне тәртiптiк жаза қолдану және көтермелеу мәселелерiн шешедi;

6) Қазақстан Республикасының заңнамасына сәйкес мемлекеттiк органдармен және өзге де ұйымдармен қарым-қатынастарда Департамент атынан өкiлдiк етедi;

7) өз құзыретiне жататын басқа да мәселелер бойынша шешiмдер қабылдайды.

Департамент басшысы орнында болмаған кезеңде оның өкiлеттiктерiн Қазақстан Республикасының заңнамасына сәйкес оны алмастыратын адам жүзеге асырады.

20. Департамент басшысының Департамент жанындағы консультативтiк-кеңесшi органдар құруға құқығы бар.

4-тарау. Департаменттiң мүлкi

21. Департаменттiң Қазақстан Республикасының заңнамасында көзделген жағдайларда жедел басқару құқығында оқшауланған мүлкi болуы мүмкiн.

Департаменттiң мүлкi мемлекет берген мүлiк, сондай-ақ өз қызметi нәтижесiнде сатып алынған мүлiк (ақшалай кiрiстердi қоса алғанда), Қазақстан Республикасының заңнамасында тыйым салынбаған өзге де көздер есебiнен қалыптастырылады.

22. Департаментке бекiтiлген мүлiк республикалық меншiкке жатады.

23. Егер Қазақстан Республикасының заңнамасында өзгеше белгiленбесе, Департаменттiң өзiне бекiтiлген мүлiктi және қаржыландыру жоспары бойынша өзiне бөлiнген қаражат есебiнен сатып алынған мүлiктi өз бетiмен иелiктен шығаруына немесе оған өзгеде тәсiлмен билiк етуiне құқығы жоқ.

5-тарау. Департаменттi қайта ұйымдастыру және тарату

24. Департаменттi қайта ұйымдастыру және тарату Қазақстан Республикасының заңнамасына сәйкес жүзеге асырылады.

Мақаланың шыққан күні: 23.06.2016 10:50
Парақтағы соңғы өзгерістер: 13.11.2019 17:49
Сұрақ қою Өмiрбаян Сөз сөйлеулер

Солтүстiк Қазақстан облысының әкiмi Құмар Іргебайұлы Ақсақалов

Қараша 2019
ДсСсСрБсЖмСнЖк
        1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30  
Әкімнің блогы
МО басшыларына сұрақ қою
Халықтық бақылау
 Қазақстан Республикасы Тұңғыш Президенті — Елбасы Нұрсұлтан Назарбаевтың ресми сайтынҚазақстан Республикасы Президентінің ресми сайтыҚазақстан Республикасының Премьер-Министрі Официальный ресурсАссамблея народов КазахстанаСтратегия Казахстан 2050«Қазақстан — ұлы дала елі»Дорожная карта«Жұмыспен қамту 2020 жол картасы»Қазақстан Республикасы Жоғарғы СотыҚазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігіҚазақстан Республикасының Әділет министрлігі Қазақстан Республикасының шекарасынан шығу кезінде кедергілерді болдырмау үшін жеке және заңды тұлғаларға www.adilet.gov.kz сайтында сот актілері бойынша берешегін және Қазақстан Республикасынан тыс жерлерге шығуға уақытша шектеуін тексеруді ұсынадыҚазақстан Республикасы нормативтік құқықтық актілерінің деректер базасыtrade.gov.kzӘкімдіктің электрондық қызметтеріortcom.kzАлтын сапаМодернизация пенсионной системыҚазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігіЗащита бизнеса СКОЦентр оценки эффективности деятельности государственных органов Республики Казахстан  ҚР инвестиция және даму министрлігінің техникалық реттеу және метрология комитетіҚазақстанның ветеринарлық дәрігерлерінің қауымдастығыСот кабинетіНациональная палата предпринимателей Республики Казахстан — «Атамекен» Электрондық еңбек биржасы БжЗқ зейнетақы қорыkazakhstan.travelwww.business.gov.kzIfk.kzказконтентДоступное жильё 2020www.kdb.kzҚазақстандық мемлекеттік-жеке меншік әріптестік орталығыGalam TV Ұлттық телерадио хабарларын таратуТелерадиохабар тарату саласындағы ұлттық операторыБәсекеге кабілеттілік жөніндегі кеңес Қазақстан Республикасы Сыртқы істер министрлігі АҚ ҰК «Kazakh Invest»Қазақстан-Петропавл«ШАПАҒАТ» республикалық форумыҚР Қаржы министрлігінің Ішкі мемлекеттік аудит комитетінің ресми интернет-ресурсы100 жаңа есімҚазақстан Республикасының Дін істері және азаматтық қоғам министрлігі
ТИЦ Яндекс.Метрика

@2019 Солтүстiк Қазақстан облысының ресми интернет-ресурсы